Newcamd free server for Prifix 9400 Lan سيرفر نيوكامد مجاني للبريفكس  

Posted by: م/ محمد حجاج in

بسم الله الرحمن الرحيم

نبدأ من الأول خااالص
كلنا عندنا تليفيزيون ودش ومئات القنوات وبنشوف برامج وفن ورياضات وكل اللي نفسك فيه
واللي مش نفسك فيه كمان
ولكن بعد ظهور القنوات المشفرة لقينا معظم البرامج والفن والماتشات الجيده مش عارفين نشوفها
طيب ليه ؟
لأن لازم نشترك عشان نقدر نشوفها
لكن الحال مش متيسر للجميع
طيب والعمل ايه ؟
اقوللك انا
الديكودر عندنا يستقبل اشارة القناة المتشفرة
الديكودر عاوز يفك التشفير
القناة تقول له لو سمحت هات لي الشفرة عشان يتفك تشفيري
فالديكودر يقوللها حاضر لحظة واحده
فيروح يدور على الشفرة عند مكان ما بنحط كارت الجزيرة او الـ ارت مثلا
فطبعا مش هيلاقي كارت ومش هيلاقي شفرة
وطبعا بالشكل ده القناة مش هتتفتح
وكل سنه وانت طيب
طيب والعمل ايه ؟
جاء الحل مع اجهزة ديكودر زي اللي بنتكلم عنه الان وهو

Prifix 9400 Lan

بيعمل ايه يعني الجهاز ده ؟
ببساطة شديدة
لو مالقاش عند مكان الكارت شفرة القناة المتشفرة
هيدور على الشفرة فى مكان تاني وهو النت
طيب النت ده كبير وواسع قوى
هيدور فين ولافين ؟
لأ احنا هنخليه يدور في مكان محدد بشكل مباشر
طيب ايه هو المكان ده ؟
طبعا هو مكان هيكون فيه الشفرة اللي الديكودر بيدور عليها
طيب الشفرة راحت المكان ده ازاي ؟
بردو ببساطة شديدة
في واحد ابن حلال مصفــّي ومشفــّي
بيعمل اشتراك رسمي وبياخد كارت الجزيرة او الـ ارت مثلا
ويدخله في الديكودر بتاعه وبعد كده عن طريق برامج معينة بيستخرج الشفرة من الديكودر بتاعة والكارت الرسمي
وبعد كده يبعتها على المكان اللي اتفقنا ان الديكودر بتاعنا هيدور فيه
المكان دا بنسميه
سيرفر - Server
طيب احنا هنستفيد من السيرفر دا ببلاش كده ؟
اه ببلاش كده وبكل بساطة
طيب الراجل صاحب السيرفر دا استفاد ايه ؟
استفاد انه بيعمل دعاية للمنتدى أو الموقع بتاعه
وطبعا في ناس تانيه بتعمل الموضوع دا مش مجاني والغرض منه التجارة
ولكن دا مش موضوعنا الوقت
طيب ازاي اعرف أجيب بيانات السيرفر دا ؟
في مواقع كتير بتعرفك بيانات السيرفرات المجانية
طيب زي ايه مثلا ؟
سيبك منها الوقت .. هنيجي ليها بعدين
طيب ما أنا اول ما جبت الجهاز لا حطيت بيانات ولا حاجة وكان بيفتح القنوات المشفره على طول
هو ايه اللي حصل ؟
الجهاز باظ ولا ايه ؟
لا يا عم الحج .. الجهاز لا باظ ولا حاجة
بالعكس .. الجهاز دا ممتاز ورائع اذا ما قورن بين سعره وامكانياته الكثيره
طيب هو في ايه ؟ ومش شغال الوقت ليه ؟
ببساطة شديدة
الجهاز اول مانت اشتريته كان متبرمج جاهز انه يروح على سيرفر معين زي السيرفرات اللي تكلمنا عليها
وبالتالي كان بيفتح القنوات المشفرة على طول
ولكن اللي حصل كالآتي
السيرفر اللي كان متبرج عليه الجهاز
عطل باظ ولــّع بجاز .. المهم انه اصبح مش شغال حاليا
طيب هل معنى كده ان الجهاز باظ ؟
لا والله
هو لما واحد يعطيك سنــّـارة وفيها سمكة هدية
وقامت السمكة هربت
هل معنى كده ان السنارة باظت ؟
لا طبعا
ولكن احنا بقى هنوظف السناره صح اللي هو الديكودر عشان نصطاد سمكة حلوة اللي هي القناة المتشفرة
لغاية كده الدنيا ماشية زي الفل
لما يكون انا عندي تليفزيون ودش و الديكودر وعندي بيانات السيرفر وعندي كابل النت
كله كده تمام فاضل حاجه واحده وهي
اني ادخل بيانات السيرفر للديكودر
طيب ازااااي ؟
صح صح معاي وامشي كده خطوة خطوة
عشان لو فوت حاجه هيبقى ذنبك على جنبك
والعاقبة عندكم في المسرات

اول حاجه
هنرجع الجهاز لظبط المصنع .. لازم لازم
هكذا
اضغط من الريموت على
زرار
menu
هتطلع صفحة زي دي



قف على
installation
وبعدين
Ok
هتطلع صفحة زي دي



قف على
factory default
وبعدين
Ok
هتطلع صفة زي دي



قف على
factory default
وبعدين
Ok
هتطلع صفحة زي دي



قف على
yes
وبعدين
Ok

تاني حاجه
هتعمل بحث للقنوات من جديد

تالت حاجة
هتروح على أي قناة متشفره ولتكن

Al Jazeera Sport Channel +1

وبعدين اضغط
menu

وبعدين اضغط
9999



هتظهر الصفحة دي



الارقام من 1 إلى 16
هي عبارة عن بوابات للسيرفر
Ports
يعني ايه ؟
يعني زي مانت عندك في البيت
باب للغرفة النوم وباب للحمام وهكذا
بردو الراجل الطيب اللي ذكرناه قبل كده واشترك رسمي
عامل على السيرفر بتاعه
بوابه للجزيره وبوابه لل شوتايم وهكذا

طيب نرجع لموضوعنا
انت حاليا واقف عند الصفحة اللي فيها ارقام من 1 لـ 16
تقدر تتحرك يمين وشمال عشان تتنقل من بوابة 1 لغاية بوابة 16

لكن خليك واقف عند بوابة 1
واضط على
الزرار الاصفر من الريموت
هتطلعلك صفحة زي دي



هنا انت واقف عند اهم صفحة فلازم تركز معاي الله يكرمك
هنا هندخل بيانات السيرفر اللي معانا
هتلاقي كلمة
Server name
سيبك منها .. اظن مافيش اسهل من كده
وبعدن انزل على
Server Ip
تتقدر تتحرك بالريموت يمين وشمال
اكتب الارقام دي
93.104.209.89
ثم انزل بالريموت على
Server Port
اكتب قصادها
44002
ثم انزل بالريموت على
User name
اضغط
Ok
هتطلع صفحة زي دي



هتلاقي حروف كبيرة وصغيرة
وبقيت الحروف الصغيرة تقدر تجيبها بإنك تنزل بالريموت على مربع
Next page
تمام .. عاوزك تكتب
egygold.com25
او تكتب
egygold.com99
أو اي رقم جنب
egygold.com
المهم الحروف تكون صغيره
وبعدين اضغط
Ok
وبعدين انزل على
User password
اضغط
Ok
واكتب بالحروف الصغيرة بردو
egygold.com

وبعدين اضغط
Ok
وبعدين اطلع بالريموت على كلمة
server name
وبعدين اضغط
menu

وبعدين اضغط من الريموت على
الزرار الاخضر

وبعدين اضغط من الريموت
exit

انتظر على القناة المتشفرة شويه حلوين كده
هي في الغالب بتيجي على طول
بس معلش اصبر شويه ما تبقاش طماع



وكده يا جماعة الخير نكون فتحنا
قنوات الجزيرة

لو الدنيا اتظبطت معاكم وزي الفل
وان شاء الله هتتظبط وتبقى تمام

يا ريت تعرفوني عشان نكمل سوا واللي عنده اي استفسار
لايتردد اطلاقا ويسأل على طول

منتظركم عشان نكمل سوا بقيت قنوات
Art & Orbit Showtime .

_________________
ولو مش مظبطة معاك خالص .. وحاسس ان الدنيا ضلــّــمت
حمل الملف ده على فلاشتك وبعدين على جهازك
ولنشاهد معاً كأس العالم
محدّث بتاريخ 28-06-2010


This entry was posted on Sunday, May 09, 2010 and is filed under . You can leave a response and follow any responses to this entry through the Subscribe to: Post Comments (Atom) .

12 comments , it isn't crime to put a comment here !

thank u mohamed for this big effort...:)))
i'll be grateful if u can tell me how to run Show time & ART ....
thank u very much :)))))

Hi Tarek,
thank u for ur interest to reply me here,
I hope this information was useful for u,
u asked for Show time & ART ..
u can very easily change the Server Port from 44002 to 44001
but the server on this port is not stable but its efficiency
is about 65%
try it now & I'm waiting ur result reply ..
u r welcome ..

thank u bro :)))))
it worked but as u said this port isn't stable ..... but anyway it worked after 2 weeks without anything.... :)))))))
thank u again bro :))) ..... & if anything new i'll be grateful if u let me know :))))

the server is stopped now ( jazeera - Showtime & ART ) .....

Sorry Tarek for being too late,
I was very busy,
at the time u told me :the server was off,
but now :
Aljazeera is ok
Art & Orbit Showtime is not ok
but I'm trying hardly to find the best for us .

thnx 4 reply.... :)
i dont know what is the problem,,,,,
i do the steps u wrote above again but it still not working.....(aljazera - showtime & ART) ....

the port of Art & Orbit Showtime
changed to 41101

& if aljazeera not working too ..
try this port 41102

ياريت لو سمحت تكمل الشوتيم والا ار تى ومشكوور على المجهود

it is not working

dear mohamed
first thanx alot gor ur great efforts.
From yesterday
aljazeera stoppeds, i tried all the port without any result. i hope u tell me the problem and how i can solve it. i folloed the steps u wrote above from the beginning with no result also.

thanx

أولا بعتذر لك عن التأخير
ثانيا : المشكلة ليست عندك والحمد لله وإنما كانت في السيرفر
ثالثا : للأسف معظم السيرفرات المجانية الحاليه لا تدعم إلا الجزيره ، بل ولبعض الفترات ثم تفصل أيضا .. نظرا لمتابعة فعاليات كأس العالم
رابعا : الحل ان شاء الله اني هحاول أوفر هنا سيرفرات محدثــّــة باستمرار .. في نفس الموضوع وسيكتب بجورها تاريخ التحديث ..
فأرجو المتابعة .. وشكرا لك

السلام عليكم ورحمة اللة .يمكن الاستفادة من نظرية نماذج الصفوف في اختبارات التوظيف مثلا،فمن خلال تحديد متوسط و وصول العملاء إلى مركز الخدمة، و تحديد المستوى المرغوب الوصول إليه و الذي يكون محدد أساسا من دراسة العملاء،على أن يتم قبول الموظف الذي يستطيع تحقيق تلك المستويات.

Post a Comment

Pages