لو ساب الربيع زهرة
لأني وعمري مش واحد
ايماني ان الهوي واحد
ايماني ان الهوي انسان
بيحيا بنبض قلب قتيل
برئ ولا كدب ولا تمثيل
حلف ميحب غير واحد
ايماني ان الهوي دنيا
بتخلقها برائتنا
ونحضنها بدمعتنا
وتكبر فينا رد جميل
وتبدأ هي تخلقنا
ومن نهايتها تبدأنا
وتتعطر بطيف ليلنا
تعيش الحب حلم جميل
ايماني ان الهوي معني
لكلمة حيرة تشغلنا
وتفاصيلها اللي تقتلنا
نلاقي للدنيا ميت معني
ايماني الحب شمعة ليل
تدوب ويـِّاها ضلمتنا
تشتت وهم غربتنا
وصورة واضحة فـمرايتنا
عشان نلقي الحبيب فيها
مغطيهااا مدفيها
تشوف نفسك في غير نفسك
لأنه بجد كان حاسك
ساعة ما خاطرت بدموعك
وعشت الليل ده بشموعك
وجيت للحب من نفسك
ايماني ان الهوي رؤية
قلوب شايفة مصايرها
نفوس غرقانة من ميلها ... بختها يعني
وشايفة ميت سنة قداموتفضل عاشقة ولا بتنام
ولو سابك حبيب مرة
هتفضل برضه ليه عاشق
لأن الحب فيك عاشق
ولو ساب الربيع زهره
هيفضل برضه فيه عطره
هتفضل ريحته فيه لو دهر
خلاص مكتوبله عايش زهر
الموضوع منقول ولكن قمت بإضافة وحذف وتنسيق مايلزم ولكن كل الشكر لصاحب الموضوع الأصلي
نقلاً عن وللمزيد: http://peaceyaman.blogspot.com
نقلاً عن وللمزيد: http://peaceyaman.blogspot.com
This entry was posted
on Sunday, November 09, 2008
and is filed under
شِعْر
.
You can leave a response
and follow any responses to this entry through the
Subscribe to:
Post Comments (Atom)
.
