Posted by: م/ محمد حجاج in ,

هي و هو

هو :هى دى البنت اللى كنت بحلم بيها
هى :يارب يكون هو دا اللى من نصيبي
هو:انا هطلب اديها من ابوها

(هيغلط الغلطه الكبيره)
هو :عمى انا يسعدنى انى اطلب ايد بنتك
هى:وافق بقى يابابا دا واد لقطه ....طبعا فى سرها

(بعد الخطوبه خرجو وراحو مطعم)
هى :تبقى وقعتك سودا لو قلتلى تشربى ايه ..وعلى وشها ضحكه زائفه
هو :الظاهر انى اتدبست.......حبيبتى تحبى تاكلى ايه؟؟
هى :اللى تاكله انت ياحبيبي

(وصل الاكل)
هو : اما اشوف هتعمل صوت وهى بتاكل ولا لأ !
هى :خلى بالك انا مراقبه عينيك زايغه هنا ولا هنا !!!!!
هو :هااا بَـقـَى ياحبيبتى قوليلى ايه اللى نفسك فيه وانا هحققه؟؟
هى :انا نفسى نعيش سعداء وعش العصفوره يكفينا ........طبعا العش دا من الماس
هو :انا مش مصدق انى قاعد مع اجمل بنت فى الكون .....بيثبتها
هى :حبيبى ايه اللى لفت نظرك ليا؟؟
هو :العربيه اللى كنتى ركباها...فى سره ...حبيبتى كل حاجه فيكى لفتت نظرى

اليوم التالى
هى :اما اشوف هيحبلى التورته منين؟؟
هو :انا كان مالى يارب بالورطه دى .انا هكلمها واقلها انى عندى مغص
هى :الو ..ايه ياحبيبي مجيتش ليه الناهرده .... ووشها مليان غيظ
هو :أاأاأصلى تعبت فجاه ....بيمثل
هى : وحياتك ما هعديها وهتعوضها...فى سرها .. لالا الف سلامه عليك خلاص اشوفك بكره الساعه 6 قدام السينما وسلام بقى لحسن بابا عايز التليفون ضرورى....وقفلت السكه
هو : يااارب السينما تولع بكره

تالت يوم
هى :الفيلم كان يججن بس ماكنش فى داعى لكل المصاريف دى كلها
هو :لا خالص انتى بس تامرى

ومر اسبوعين....الطامه الكبرى عيد الحب
هى : ياترى هيجبلى ايه يبقى يغلط بس ويجبلى دبدوب
طبعا قابلها واديه فاضيه
..
هى : كل سنه وانت طيب .. وعنيها بتتلفت على ايديه الاتنين
هو :وانتى طيبه واحنا دايما مع بعض ....ومتجاهل تماما
هى : امال فين الهديه؟؟
هو :هدية ايه وبتاع ايه بلا كلام فاضى ..يابنتى دى كلها بدع ابتدعوها الغرب وحنا مش لازم ناخد كل حاجه منهم كبيره وصغيره ..فين عروبتنا واصلنا .. وبعدين مش معنى اننا فى عصر العولمه اننا ناخد بدعهم ولا ايه يا حبيبتى؟؟
هى :أه أه..عندك حق....الظاهر علامات البخل بدات تبان
هو : عموما انا محضرلك اغنيه هغنيهالك
وغنالها ..انا كدا ومفيش غير كدا عاجبك عاجبك ومفيش حل تانى ..الخ الخ الخ

عملو الفرح وعدا شهر العسل..
هى :انت هتسبنى قاعده لواحدى؟؟
هو : امال يعنى عايزانى اقعد جمبك من غير شغل ولا مشغله

وبدا شهر البصل..
هى : امال فين كلامك اللى كنت بتقوله زمان
هو غنالها .. راااح راااح رااااااااح
هو :شيلى بقى المسئوليه شويه وبلاش الخيالات اللى انتى فيها دى ..وقال فى سره ..وحياتك لهطلع عليكى اللى عملتيه فيا من ساعة ما جيت اتقدمتلك

عدا شهرين
هو :ايييييييه!!!!مفيش ولا قميص مكوي ..وبصوت عالى جدااا
هى :مش كفايه سايبني طول اليوم هعمل ايه يعنى ولا ايه؟؟!!؟
هو : ماهو لو توشفى شغل البيت وترحمى ودانك شويه من التليفونات وام كريم وام زياد
هى : نعم ..نعم ...انت مقلتليش قبل ما تتجوزنى انك عايز شغاله؟؟!!!!!؟
هو :ياريتنى قلت....وبصوت واطى جدااا
هى :بتقول ايه سمعنى ......وبدات الخناقه تزيد جداااا

عدت سنه
هى :عايزه 800 جنيه
هو : ليـــــــــــــــــــــــه ...اتصدم
هى :خطوبة اخويا بعد شهر ولازم اشترى فستان محترم
هو :عندك فستان الخطوبه اللى جبتهولك روحى البسيه بدل ماهو مركون ..بطريقه مستفزه
هى : خلاص ابقى جبلى الفستان عند بيت ماما ...وسابتله البيت

عدا سبوعين
هو :ياسلااااام..البيت كانو جنه.انامكنتش حاسس بقيمة النعمه اللى كنت فيها زمان

عدا كمان اسبوع
هى :شايفه ياماما دا كانو ماصدق..بقى كدا هان عليه دا انا مكنتش مخلياه محتاج حاجه ..كنت ترجع من البيت تلاقينى قمررر..ولا شغل البيت ..عمرى ماقصرت معاه ...وانهمرت فى البكاء

بعد مرور شهر
هو : انا اسف ياحبيبتى انا خلاص اوعدك مش هزعلك تانى ..تعالى البيت دا من غيرك ضلمه
هو :عشان تبقى تعرف قيمتى.اهئ..اهئ..اهئ...دموع التماسيح

بعد يوم واحد بس من رجوعهم
الباب بدق وهو فتح
هو :ايوه..انا هو ..!!بس انا ماحجزتش شاليهات فى مارينا
هى : أه أه..نسيت اقلك ..ياحبيبى اصلى حجزت لاخويا وعروسته شاليه فى مارينا عشان شهر العسل بتاعهم...!!!.سسورى ..حجزنه على حسابك

هو :احجز يابنى كمان3 شهور باسمى
هى :ليه ياحبيبي احنا هنروح مارينا !!

هو :لا ياحبيبتى..انا حجزت ليا انا وعروستى الجديدة !!

0 comments , it isn't crime to put a comment here !

حلوة يا بلدي !!  

Posted by: م/ محمد حجاج in ,

حلوة يا بلدي !!

وكلمه حلوه وكلمتين .....حلوه يا بلدى
والجاى احلى مرتين.....طول ما انت فبلدى
ياسلام عالتسامح والرضا.....والابتسامه مفيش احلى من كدا
وحلوه يابلدى

ولقمة العيش عالارصفه.....واللى مش عاجبه يتضرب عالقفا
جرب كدا وحرك لسانك.....هتلاقى واحد بضاببير قدامك
وحلوه يابلدى

والبت مش عايزه تتجوز.....حوش ياحواش
اعملٌها حجاب..... ولفهولها بشاش
وحلوه يابلدى

وشباب متلقح فى الشوارع.....طالما مفيش رقابه وإيه المانع
فضائيات وقنوات هايفه ..... وبركاتِك ياااا هايفا
وحلوه يابلدى

انت يامواطن حر فرأيك اكيد.....طول ما انت عن اللى فوق بعيد
ومد لحافك على أد رقبتك ......تتقى شر اللى قاعد جمبك
وحلوه يابلدى !!

0 comments , it isn't crime to put a comment here !

 

Posted by: م/ محمد حجاج in


في السوق المحلّي

قرب ياباشا قرب يابيه .....خضاروفاكهه وكله تلاقيه
الخير كتير ومليان .....اللى يشترى هو الكسبان
***
كوسه ومنجى وتين ......وبتنجان مشكل يملى العين
عشانك ياست تاخديه ببلاش.....عيب دا احنا من غيرك مانستغناش
***
خيرك مغطينا ومكفينا .....بس انتى اطلبى وأمرينا
وانت ياباشا دوق العنب.....مسكر وحلو وطعمه عجب
***
ادينى يا انت كل القفص.....ولا اقلك بلاش بيجبلى مغص
انا عايزمن دا بس الظاهر خلص.....اتصرفلى حالاوهاتلى قفص
***
ولا يهمك ياباشا ......الاقفاص كتير من غير عازه
انت ياواد انت وهو ......ارمى البايظ اللى جوه
***
ولا اقلٌكو خدوه وكلوه ..... وجوه بطونكو عبٌوه
عشان بس متقولوش محرومين....وعلى الجوع مجبورين
***
وقرب ياباشا قرب يابيه......خضار وفاكهه وكله تلاقيه

0 comments , it isn't crime to put a comment here !

من الحِكَم  

Posted by: م/ محمد حجاج in

كل شجرة أصلها بذرة وكل إنجاز أصله فكرة
** ** ** **
الفرق بين الجنون والإبداع شعرة
** ** ** **
لن يكون لدينا ما نحيا من أجله .. إن لم نكن على استعداد أن نموت من أجله
** ** ** **
إذا أردت شيئا بشدة فأطلق صراحه فإن عاد إليك فهو لك للأبد وإن لم يعد فهو لم يكن لك منذ البداية
** ** ** **

عندما لا تعرف وجهة سفينتك في بحر الحياة
فكل الرياح سواء

أو بصيغة أخرى

إذا لم تعلم أين تذهب , فكل الطرق تفي بالغرض
** ** ** **
ليس الجمال في ماتراه فقط ولكن الجمال في الذي لم تره بعد أيضاً
** ** ** **
يوجد دائماً من هو أشقى منك , فابتسم
** ** ** **
يظل الرجل طفلاً , حتى تموت أمه , فإذا ماتت ، شاخ فجأة
** ** ** **
عندما تحب عدوك , يحس بتفاهته
** ** ** **
إذا طعنت من الخلف , فاعلم أنك في المقدمة
** ** ** **
الكلام اللين يغلب الحق البيّن
** ** ** **
كلنا كالقمر .. له جانب مظلم
** ** ** **
لا تتحدى إنساناً ليس لديه ما يخسره
** ** ** **
العين التي لا تبكي , لا تبصر في الواقع شيئاً
** ** ** **
المهزوم إذا ابتسم , افقد المنتصر لذة الفوز
** ** ** **
لا خير في يمنى بغير يسار
** ** ** **
الجزع عند المصيبة , مصيبة أخرى
** ** ** **
الابتسامة كلمة معروفه من غير حروف
** ** ** **
اعمل على أن يحبك الناس عندما تغادر منصبك , كما يحبونك عندما تتسلمه
** ** ** **
لا تطعن في ذوق زوجتك , فقد اختارتك أولا
** ** ** **
لن تستطيع أن تمنع طيور الهم أن تحلق فوق رأسك
و لكنك تستطيع أن تمنعها أن تعشش في رأسك
** ** ** **
تصادق مع الذئاب ... على أن يكون فأسك مستعداً
** ** ** **
ذوو النفوس الدنيئة , يجدون اللذة في التفتيش عن أخطاء العظماء
** ** ** **
إنك تخطو نحو الشيخوخة يوماً مقابل كل دقيقة من الغضب
** ** ** **
كن صديقاً , ولا تطمع أن يكون لك صديق
** ** ** **
إن بعض القول فن .. فاجعل الإصغاء فناً
** ** ** **
الذي يولد يزحف , لا يستطيع أن يطير
** ** ** **
اللسان الطويل دلالة على اليد القصيرة
** ** ** **
نحن نحب الماضي لأنه ذهب . ولو عاد لكرهناه
** ** ** **
من علت همته , طال همه
** ** ** **
من العظماء من يشعر المرء بحضرته أنه صغير
ولكن العظيم بحق هو من يُشعر الجميع في حضرته بأنهم عظماء
** ** ** **
من يطارد عصفورين يفقدهما جميعاً
** ** ** **
المرأة هي نصف المجتمع وهي التي تلد و تربي النصف الآخر
** ** ** **
لكل كلمة أذن , ولعل أذنك ليست لكلماتي , فلا تتهمني بالغموض
** ** ** **
كلما ارتفع الإنسان , تكاثفت حوله الغيوم والمحن
** ** ** **
لا تجادل الأحمق , فقد يخطئ الناس في التفريق بينكما
** ** ** **
الفشل في التخطيط يقود إلى التخطيط للفشل
** ** ** **
قد يجد الجبان 36 حلاً لمشكلته ولكن لا يعجبه سوى حل واحد منها وهو .. الفرار
** ** ** **
شق طريقك بابتسامتك خير لك من أن تشقها بسيفك
** ** ** **
من أطاع الواشي ضيَع الصديق
** ** ** **
أن تكون فرداً في جماعة الأسود خير لك من أن تكون قائداً للنعام
"مع العلم أن النعام ليس جباناً كما هو معروف بدفن رأسه في الأرض"
** ** ** **
لا تستحِ من إعطاء القليل فإن الحرمان اقل منه

0 comments , it isn't crime to put a comment here !

 

Posted by: م/ محمد حجاج in

أجمل الوصايا‏

بسمّ الله الرحمّن الرحيمّ
الحمد لله و الصلاة و السلام على رسول الله و على آله وصحبه أجمعين ..

السلآمّ عــّليكمّ وٍ رحمـّةٌ اللـّه وٍ بركآته

وصيّة والد لولده عند الزواج
أي بني : إنّك لن تنال السعادة في بيتك إلا بعشر خصال تمنحها لزوجك فاحفظها عني واحرص عليها :

أما الأولى والثانية :
فإنّ النّساء يحببن الدلال ويحببن التصريح بالحب , فلا تبخل على زوجتك بذلك فإن بخلت جعلت بينك وبينها حجاباً من الجفوة ونقصاً في المودة .

وأما الثالثة :
فإنّ النّساء يكرهنَ الرجل الشديدَ الحازم ويستخدمن الرجل الضعيف اللين , فاجعل لكل صفة مكانها فإنّه أدعى للحب و أجلب للطمأنينة .

وأما الرابعة :
فإنّ النساء يُحببن من الزوج ما يحب الزوج منهنّ من طيب الكلام وحسن المنظر ونظافة الثياب وطيب الرائحة , فكن في كل أحوالك كذلك, وتجنب أن تقترب منها تريدها و قد بلل العرق جسدك وأدرن الوسخ ثيابك فإنّك إن فعلت جعلت في قلبها نفوراً وإن أطاعتك , فقد أطاعك جسدها ونفر منك قلبُها .

أما الخامسة :
فإنّ البيت مملكة الأنثى وفيه تشعر أنّها متربعة على عرشها وأنها سيدة فيه, فإيّاك أن تهدم هذه المملكة التي تعيشها , وإياك أن تحاول أن تزيحها عن عرشها هذا ,فإنّك إن فعلت نازعتها ملكها وليس لملكٍ أشدّ عداوةً ممن ينازعه ملكه وإن أظهر له غير ذلك ..

أما السادسة :
فإنّ المرأة تحب أن تكسب زوجها ولا تخسر أهلها فإيّاك أن تجعل نفسك مع أهلها في ميزان واحد , فإمّا أنت وإمّا أهلها فهي وإن اختارتك علىأهلها فإنّها ستبقى في كمدٍ تُنقل عَدْواه إلى حياتك اليومية .

أما السابعة :
فإنّ المرأة خُلِقت مِن ضِلعٍ أعوج وهذا سرّ الجمال فيها وسرُّ الجذب إليها وليس هذا عيباً فيها " فالحاجب زيّنه العِوَجُ " , فلا تحمل عليه إن هي أخطأت حملةً لا هوادة فيها تحاول تقييم المعوج فتكسرها وكسرها طلاقها , ولا تتركها إن هي أخطأت حتى يزداد اعوجاجها وتتقوقع على نفسها فلا تلين لك بعد ذلك ولا تسمع إليك , ولكن كن دائما معها بين بين ..

أما الثامنة :
فإنّ النّساء جُبلن على كُفر العشير وجُحدان المعروف فإن أحسنت لإحداهنّ دهراً ثم أسأت إليها مرة قالت : ما وجدت منك خيراً قط , فلا يحملنّك هذا الخلق على أن تكرهها وتنفر منها فإنّك إن كرهت منها هذا الخلق رضيت منها غيره ..

أما التاسعة :
فإنّ المرأة تمر بحالات من الضعف الجسدي والتعب النفسي حتى إنّ الله سبحانه وتعالى أسقط عنها مجموعةً من الفرائض التي افترضها في هذه الحالات, فقد أسقط عنها الصلاة نهائياً في حالة الحيض وفترة النفاس, وأنسأ لها الصيام خلالهما حتى تعود صحتها ويعتدل مزاجُها , فكن معها في هذه الأحوال ربانياً, كما خفف الله سبحانه وتعالى عنها فرائضه أن تخفف عنها طلباتك وأوامرك .

أما العاشرة :
فاعلم أنّ المرأة أسيرة عندك فارحم أسرها وتجاوز عن ضعفها تكن لك خير متاع وخير شريك .
للأمانة الموضوع منقول بس حبيت الجميع يستفيد وشكرا" .

0 comments , it isn't crime to put a comment here !
Newer Posts Older Posts

Pages